Thursday, January 1, 2009

MONGODIHOHOI - LAGU KLASIK RUNGUS

Dihooohooi.. Kolu Do Tindalanganon  
Umpot Ku Dong Tindalongozon 
Tu Mangkavot Ko Do Minirongkoi  
Om Miningkuot Ko Om Miningarazou  
Na Monindingkot Do Sondingihon 
Da Manandangovot Do Kabangazon 
Sondihon Diyongrognis Rondom 
Kabazon Diyonkilongodun 

Dihooohooi Dilo Minonodiu Do Kolingizan 
Do Kinumabai Do Kongoutan 
Do Naanu Do Pibolizan 
Nalap Dong Pintomongonuvan 

Dihooohooi Do Piirikaan Barambangazon 
Do Pandangatan Po Kalangazon 
Nga Soluvan Kung Po Ong Linuhang 
Suhul Pu Mah Kang Kuniri 
Ha Norikot Tadau Rangdangvi  
Ha Nadavong O Zainggang Hondungunou 
Nga Rotizan Dai Mingasangazou 
Dai Humajil Dahi Mahi Dahi Ko Humandang 
Do Lintangan Nga Adi Otuhunan 
Dai Ginsinudon Bangkangalon 
Do Mikakavid Dilot Tangambong 
Ho Mikukumandai Dilo Longorondong 
Do Songongkilap No Ilo Gonit 
Do Songongkisal No Kiongopongolou 

Dihooohooi Kirompok Do Tinai Kikangalon 
Ho Topong Longo Dai Turing Dairingaizon 
Hu Mongindal Davi Dazang  
Mongingkirul Da Maringavol 
Do Mikakavid Ma Yodingoding  
Do Mikukumandai Mai Sulingindap 
Ha Dazang Da Maei Ai Mogondoi 
Rago Nago Magingingid 
Do Lumuzong Do Kilingkangamabai 
Ho Duvo Nongo Umpadon Kingamajung 
Pinggan Nga Dai Burunai  
Kadon Majung Do Magangavai 

Dihooohooi.. Soluvan Ku Pinggan Mangabai 
Holung Ompulan Omojung 
Ho Onuvon Ma Do Langazam 
Alabon Ma Do Lilingivau 

Dihooohooi.. Do Yulin No Do Ni Tangangop 
Do Nitolingi Ngik Do Madko Ngingakop 
Do Niporingikit Tolungan  
Do Polinging Do Pavangasan 
Do Migasazou Ih Sambangavon 
Ho Mokohomudang Pinandangatu  
Dai Mogiluhung Da Minangkop  
Moginanau Dai Piningangkop 
Nga Suzangkama Do Rinanganjat 
Hogonga Kangang Tigongomusang 
Hai Isai Ngaran Onong Kongunon 
Mozo Tondom Mongombingizon 
Nga Olotong Kama Yolungotung 
Hologko Yolongotong  
Ondus Ma Ong Bolizan Nga Id  
Silo Mang Bozugan Bobonguvai 

Dihooohooi.. Bogimang Pogingtutunai 
Do Silo Mang Pogilongguvai 
Nga Sumandak Mai Digompirit 
Nga Inazam Di Zombonguvon 
Hagaimang Bolizan Da Nga Ih  
Hasurimaang Bozugan Longuvai 
Ha Magsako Do Tingkutadon 
Mongudan Do Tingpakangaon 

Dihooohooi.. Nga Irak Dai Puun Do Lingkungudon 
Himsumangai Po Nogi Ngingio’on 
Huindazag Naisolizo’on 
Hundamaag Naisombonunguvon 

Dihooohooi.. Dot Tumirangbaang Do Nogi Ongulun  
Hoi Borongotai Do Kiningizon 
Dai Tombogoson Ku Ni Surip  
Tingkolison Ku Ni Tingilisul

4 comments:

BangDon - Servis Buat Blog Ala Website said...

boleh x translate kn lgu ni ke b.m. apa sej/kisah di sblik lgu ni? emel ke kodapatapakonak@gmail.com

Unknown said...

Avantang t usaha nu dt pinsan,komen ku tentang t seni kata longoi dot Dihohoi,operlu di perbaiki tu ogumu lo penulisan amu tantu nokumbangan,sebagai contoh rangkap pertama,sid"Na monindingkot do sondinghion,da manandangovot do kabangazon,boros nokumbangan=Na Monondikot dot Sondihon da Manandavot Kabazon..ok Truskan usah.

Unknown said...

Avantang tantu,..nga ogumu ot amu nokonong ilo EJAAN..sisiri ong amu ahavol ku nunu ot boroson,...alaid om ahavol ku ogi tu kotolunung ku ogi ilo ejaan dot pinongoretan om pinatalasan,...ihimo oku sid georgesanjatty@gmail.com..kalu to ong varo duaton atau mokitahk pendapat...avantang tantu iti ong ie lombus...amu opunso..

Unknown said...

Diiiihoooohooohoiiii,
Lumotung po ka songhogot,
Lumogkong po ka santagal,
Raat amu kolonduk,
Ransoi tida kointai,
Dihooooohoooohoiiii,...
nga turu langad ku mogizang,
valu vivitan mamansal,
izangon gonding kodori,
gingaron ta-ngas kahari,
ahandaman ku no ma kodori,
di tokiraan bazoi kahari,
nosontutuk tinogomon,
nosonturug tinudungon,
misosovolli lumotung,
mititibolos lumogkong,
timai biano kai dazang inuvung,
silo bohino rago kinobot,
songlinsou ko po lumotung,
songluvid ko po lumogkong,
Diiiihooooohooooohoooii,..
nga romou ku no ponompisik,
ridu rokizan ponompizas,
aso talos nu mingkakat.
tida tangob nu mundihi,
nga iso no tiboroson,
bulun no ti sunudon,
pogihim talos mamangun,
podtitiw tangob monidong,
Diiihoooohoooohoiii,
ie rontob ku noi mamahul,
ie gisom bazoi ie bangki,
ie sisip ku noi yuruding,
ie siap bazoi yulindap.